Вакили Маҷлиси намояндагон дар ҷаласаи Комиссияи доимии Ассамблеяи байнипарлумонии давлатҳои ИДМ иштирок намуд
Хулоса ва заминаи хабар
Вакили Маҷлиси намояндагон дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ дар Тошканд ширкат кард.
Аз 21 то 23 октябр дар шаҳри Тошканди Ҷумҳурии Узбекистон ҷаласаи Комиссияи доимии Ассамблеяи байнипарлумонии давлатҳои иштирокдори Иттиҳоди Давлатҳои Мустақил оид ба фарҳанг, иттилоот, сайёҳӣ ва варзиш баргузор гардид.
Дар ҷаласа масъалаҳои марбут ба такмили санадҳои ҳуқуқии намунавӣ дар соҳаҳои бойгонӣ, ҳифзи маълумоти шахсӣ, варзиши донишҷӯён ва фаъолияти иттифоқҳои эҷодӣ баррасӣ шуданд. Ҳамчунин консепсияи тағйиру иловаҳо ба қонуни намунавии «Дар бораи архивҳо ва фонди архивӣ» пешниҳод гардид, ки навсозии қоидаҳои нигоҳдорӣ ва истифодаи ҳуҷҷатҳои электронӣ, таъмини бутунии маводи бойгонӣ ва фароҳам овардани имконияти барқарорсозии онҳоро пешбинӣ мекунад.